uyghur canadian society
 
Ca. Uyghur Relief Fund
East Turkistan
Uyghur
WUC
Human Rights
RFA Uyghur service
 
 
 
 
TAKE ACTION
Huseyin Celil
Husein Dzhelil standing in front of the Canadian Parliament buildings, Ottawa, Ontario, May2005.
 
East Turkistan map
East Turkistan map (also known as Xinjiang Uygur Autonomous Region)

"Navruz" New Year Celebrations
On March 25th UCS held Navruz celebrations for Montreal diaspora members, please see pictures from the event:


Torontoda yashawatqan Uyghur qatarliq Türki milletliri birlikte newruz bayrimini tebriklidi.

Newruz bayrimi barliq Türki milletliri,Parislar we Awghanlarning kün bilen tünnüng tengleshkenligini, baharning kelgenligini yéngi bir yilning bashlanghanlighini tebrikleydighan en’eniwi milli bayrimi. Newruz bayrimining meydangha kelgenligige 3000 yildin ashqanlighi heqqide melumat bar. Mushu ayning 24-küni Kanadaning Toronto shehrige jaylashqan Türk Anadolu medinyet fédrassiyuni qarmighidiki Türk dostluq jemiyti Toronto we uning etrapida yashaydighan Uyghur qatarliq Türki milletlirini bir yerge jem qilip, newruz bayrimini tebriklesh paalyiti ötküzdi.
Newruz bayrimini tebriklesh paalyitige, Türkistan jughrapiyesining heqliq igiliri hésaplanghan Uyghur,Özbik,Qazaq ,Qirghiz,Tatar,Türkmen,Aziri,qatarliq qérindash türki milletliri shuningdek Türkiye Türkliri bolup 15 qérindash millet qatnashti.İshta birlik,sözde birlik we herkette birlik shoari bilen shu künki newruz bayrimigha qatnashqan bu qérindash milletler, özliri tarixtin buyan yashap kelgen seddichin sépilidin adiratik déngizigha qeder sozulghan bu kengri ziminda berpa qilghan yiltizi bir, emma köp xil shekildiki naxsha muzika,kiyim kichek we yimek ichmek medinyitini bir yerge ekilip,öz ara ortaqlashti.
Kanada Uyghur jemiytining orunlashturushi bilen, Toronto we uning etrapida yashaydighan Uyghurlarmu shu künki newruz bayrimini tebriklesh paalyitige qatniship öz naxsha muzikilirini bashqa qérindash Türki milletliri bilen ortaqlashti. Shu küni Uyghur muzikantlar Tembur we Duttar bilen orunlighan Ey Tarim, Bahar seylisi qatarliiq muzikilar Newruz ehlining qizghin qarshi élishigha érishti.Uyghur muzikantlar kiygen Uyghur milli kiyimi bolupmu Yéngisar tumighi, newruz bayrimigha qatnashqan bashqa qérindash Türki milletlirining alahide diqqitini chekken bolup, Uyghur muzikiliri orunlunup bolghandin kéyin, tamashibinlar arqa-arqidin uyghur muzikantlar bilen resimlerge chüshüshti.
Undin bashqa yene, Sherqi türkistanning ay yultuzluq kök bayrighi ésilghan Uyghur medinyet tezgahimu newruz ehlining alahide diqqitini chekken bolup,Uyghur medinyitige jümlidin qedimi ipek yoli medinyitige wekillik qilidighan renggareng etlesler,Türlük er ayalche doppilar we kiyim kicheklermu shu künki newruz ehlining diqqitini chekken nuqtilarning biri bolup qaldi. Kanadada istiqamet qiliwatqan Özbik, Tatar we Türk tarxchilar we ziyalilar Uyghur medinyet tezgahining etrapigha toplushup, Uyghur xelqi nöwette duch kéliwatqan emili mesililer shundaqla, tarixta Uyghurlarning bir pütün Türk medinyitige qoshqan töhpiliri heqqide hemsöhbetlerde bolushti.
Shu künki newruz bayrimini tebriklesh paalyitige qatnashqan Kanadaning Ontaryu ölkisining millet wekili Riza ependi Uyghur tezgahini ziyaret qildi we Uyghurlar heqqide melumat aldi.U özi Xinjiang dep tonup kéliwatqan Xitay ölkisining Uyghurlarning ana wetini Sherqi Türkistan ikenligini bilgende Uyghurlargha téximu qizghin muamile qildi shundaqla özining ishxanisigha Uyghur bayrighini ésip qoyushni xalaydighanlighini bildürüp, Uyghurlargha özige bir Uyghur bayrighi ewetip bérishni hawale qilip adrisini qaldurdi.
Shu künki newruz bayrimini tebriklesh murasimi Torontodiki Nil akadimiyesi dep atilidighan Türkler achqan alahide toluq ottura mektepning murasim zalida ötküzülgen bolup, murasim chüshtin kéyin saet 12 din 6 ge qeder dawam qilghan.
Tebriklesh paalyiti axirlashqandin kéyin, Ontaryu ölkisining millet wekili Riza ependi, Kanada Türk dostluq jemiytining bashlighi Mexmetgül ependi, Nil akadimiyisining rehberliri shundaqla newruz paalyitige qatnashqan Uyghur qatarliq 15 qérindhash millet birlikte, newruz qarghiyigha topa tashlash paalyitige qatnashti.

On March 24th Uyghur Canadian Society (USC) Toronto branch members participated in joined Turkic communities of Ontario Navruz Celebrations














 
Uyghur Canadian Society (UCS)
     Cell: +1 (514) 826-1346     Email: info@uyghurcanadiansociety.org